معروف اداکار منیب بٹ نے بیٹیوں کے بارے میں خوبصورت بیان جاری کر دیا۔
انہوں نے تینوں بیٹیوں کو اپنے لیے خوش قسمتی قرار دے دیا۔ زارا نور عباس کے پوسٹ کاسٹ میں منیب بٹ ( muneeb butt ) نے کہا کہ جس جس سال میرے گھر بیٹی پیدا ہوئی وہ سال میرے لیے معاشی اور پیشہ ورانہ دونوں لحاظ سے بہترین رہے، اس دوران میرے ڈرامے بھی سپر ہٹ رہے۔
ان کا کہنا تھا کہ ان کے کیریئر کے اہم سنگ میل کامیاب ڈرامے، نئے پروجیکٹس، اور مالی ترقی ہمیشہ انہی ادوار میں آئے جب ان کی بیٹیاں پیدا ہوئیں۔ ان کا کہنا تھا کہ سب سے چھوٹی بیٹی نیمل بٹ کے آنے کے بعد زندگی میں خوشیوں اور برکتوں کی ایک نئی لہر آئی ہے۔
آئمہ بیگ سے علیحدگی کی خبریں،زین احمد نے خاموشی توڑ دی
منیب نے کہا کہ بیٹیاں واقعی اللہ کی رحمت ہیں اور ان کے آنے سے گھر میں محبت، سکون اور کامیابی سب بڑھ جاتے ہیں۔ ان کا کہنا تھا کہ فیملی ٹائمنگ کے دوران جو مکمل خوشی آپ محسوس کرتے ہیں وہ آپ کو کسی بھی جگہ نہیں مل سکتی۔
مداحوں نے اداکار کے اس جذبے کو سراہا ہے اور سوشل میڈیا پر کئی صارفین نے کہا کہ ایسے والد ہی اصل ہیرو ہوتے ہیں جو بیٹیوں کو نعمت سمجھتے ہیں۔ یاد رہے کہ منیب اور ایمن خان کے ہاں اگست 2025 میں تیسری بیٹی پیدا ہوئی تھی۔