ملک کے مختلف علاقوں میں بارش اور برفباری کا امکان ظاہر کیا گیا ہے۔
محکمہ موسمیات نے ملک کے بیشتر علاقوں میں موسم سرد اور خشک رہنے کی پیشگوئی کی ہے۔ اسلام آباد اور گرد و نواح میں موسم سرد رہنے کا امکان ہے۔بلوچستان کے بیشتر اضلاع میں موسم سرد اور خشک رہے گا۔
کشمیر، شمال مشرقی پنجاب، گلگت بلتستان اور بالائی خیبر پختونخوا میں چند مقامات پر گرج چمک اور تیز ہواؤں کے ساتھ بارش اور پہاڑوں پر برفباری کا امکان ہے۔
پنجاب میں آج پھر شدید دھند کا راج، مختلف مقامات سے موٹرویز بند
پنجاب کے بیشتر اضلاع میں موسم سرد اور خشک جبکہ مری، گلیات اور گرد و نواح میں مطلع جزوی ابر آلود رہنے کے علاوہ بارش اور برفباری کا امکان ہے۔ راولپنڈی، جہلم، گجرات، چکوال، سیالکوٹ، نارووال اور گرد و نواح میں مطلع جزوی ابر آلود رہنے کے علاوہ گرج چمک کے ساتھ ہلکی بارش ہونے کا امکان ہے۔
خیبرپختونخوا کے بیشتر اضلاع میں موسم سرد اور خشک رہے گا تاہم چترال، دیر، سوات، کو ہستان، مانسہرہ، ایبٹ آباد، بٹگرام، کرم اور باجوڑ میں مطلع ابرآلود رہنے کے علاوہ چند مقامات پر گرج چمک کے ساتھ بارش اور برفباری کی توقع ہے۔
کشمیر اور گلگت بلتستان میں موسم شدید سرد اور مطلع جزوی ابرآلود رہنے کے ساتھ ساتھ چند مقامات پر بارش اور برفباری کی پیشگوئی کی گئی ہے۔