محکمہ موسمیات نے ملک کے مختلف علاقوں میں آندھی اور گرج چمک کے ساتھ بارش کی پیشگوئی کر دی۔
محکمہ موسمیات کے مطابق بالائی خیبرپختونخوا،اسلام آباد، خطہ پوٹھوہار، کشمیر اورگلگت بلتستان میں آندھی اور گرج چمک کے ساتھ بارش کا امکان ہے، ملک کے دیگرعلاقوں میں موسم خشک اورگرم رہنے کا امکان ہے۔
اسلام آباد میں آ ندھی اور گرج چمک کے ساتھ بارش کا امکان ہے، راولپنڈی، مری، گلیات، جہلم، اٹک، چکوال، لاہور، سیالکوٹ، نارووال، گجرات اورگوجرانوالہ میں بارش ہونے کی توقع ہے۔
دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، باجوڑ، مہمند، اورکزئی اور خیبر میں گرج چمک کے ساتھ بارش کا امکان ہے۔
محکمہ موسمیات نے بلوچستان کے جنوبی علاقوں میں مطلع جزوی ابرآلود رہنے کا امکان ہے، سندھ کے ساحلی علاقوں میں چند مقامات پر بارش کا ہونے کی توقع ہے۔ آزاد کشمیر اور گلگت بلتستان میں تیز ہواؤں اورگرج چمک کے ساتھ بارش ہونے کی توقع ہے۔
سوات اور گردونواح میں زلزلے کے جھٹکے، شہریوں میں خوف و ہراس
گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا تاہم اسلام آباد، بالائی پنجاب، بالائی خیبر پختونخوا اور کشمیر میں چند مقامات پر بارش ہوئی۔