ملکی تاریخ میں سونے کی قیمت میں ایک دن میں بڑا اضافہ ہو گیا ہے۔
ملک میں ایک ہی دن میں سونے کی فی تولہ قیمت میں 14 ہزار 100 روپے کا اضافہ ہو گیا ہے جس کے بعد قیمت 4 لاکھ 56 ہزار 900 روپے کی بلند ترین سطح کو چھو گئی ہے۔
اسٹیٹ بینک کے ذخائر میں 2 کروڑ 7 لاکھ ڈالرز کا اضافہ
دس گرام سونے کے نرخ میں بھی تاریخی اضافہ ہوا ہے دس گرام سونے کی قیمت 12ہزار89 روپے بڑھے سے 3 لاکھ 91 ہزار 718 روپے ہوگئی ہے۔
عالمی مارکیٹ میں بھی سونے کے نرخ gold rates بلند ترین سطح پر پہنچ گئے ہیں، عالمی مارکیٹ میں سونے کے نرخ میں 141 ڈالرکا اضافہ ہوا ہے جس کے بعد فی اونس قیمت 4ہزار 358 ڈالر پر پہنچ گئی ہے۔
سونا نہ صرف پاکستان میں بلکہ عالمی سطح پر بھی مہنگا ہو گیا ہے، پاکستان سونے کی قیمت عام آدمی کی قوت خرید سے باہر ہو گئی ہے، عام آدمی کے لئے سونا خریدنا انتہائی مشکل ہو گیا ہے۔
750 روپے مالیت کے انعامی بانڈز کی قرعہ اندازی کے نتائج کا اعلان کردیا گیا
معاشی ماہرین کا کہنا ہے کہ رواں سال قیمت میں 57 فیصدسے زائد اضافہ ہو چکا ہے، ماہرین نے مرکزی بینکوں کی بڑی خریداری، گولڈ ایکسچینج فنڈز کی مانگ میں اضافے، کمزور ڈالر اور عالمی تجارتی و جغرافیائی کشیدگی کو سونا مہنگا ہونے کی بڑی وجہ قرار دیا ہے۔
عالمی مارکیٹ میں سونے کے نرخ بلند ترین سطح کو چھو گئے ہیں، فی اونس سونا 4358 کی سطح پر پہنچ چکا ہے،ماہرین کا کہنا ہے کہ سرمایہ کار موجودہ کشیدہ حالات میں سونا خرید کر اپنے پیسے کو محفوظ رکھنا چاہتے ہیں۔