محکمہ موسمیات نے ملک کے مختلف علاقوں میں تیز ہواؤں اور گرج چمک کے ساتھ بارش کی پیشگوئی کر دی۔
محکمہ موسمیات کے مطابق آج ملک کے بیشتر علاقوں میں موسم گرم اور خشک رہے گا، تاہم بالائی، وسطی خیبر پختونخوا، کشمیر، گلگت بلتستان، اسلام آباد، خطہ پوٹھوہار، شمال مشرقی پنجاب اور زیریں سندھ میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ چند مقامات پر بارش کا امکان ہے۔
اسلام آباد اور گرد و نواح میں چند مقامات پر مزید بارش کا امکان ہے، راولپنڈی، مری، گلیات، اٹک، چکوال، جہلم، گجرات، گوجرانوالہ، حافظ آباد، وزیر آباد، لاہور، قصور، شیخوپورہ، منڈی بہاؤالدین، سیالکوٹ، نارووال، میانوالی، خوشاب اور نورپورتھل میں بارش کی توقع ہے۔
خیبرپختونخوا کے علاقوں دیر، چترال، سوات، کوہستان، شانگلہ، بٹگرام، پشاور، مانسہرہ، ایبٹ آباد، ہری پو ر، مردا ن، بونیر، مالاکنڈ، باجوڑ، مہمند، کوہاٹ، چارسدہ، نوشہرہ، صوابی، خیبر، اورکزئی، ہنگو، کرک، وزیرستان اورکرم میں بارش کا امکان ہے۔
ای سی سی اجلاس، بارٹر ٹریڈ میکانزم میں ترمیم اور متاثرین کیلئے اربوں کے فنڈز کی منظوری
بلوچستان کے ساحلی علاقوں میں بعض مقامات پر بارش کی توقع ہے۔ حیدرآباد، دادو، بدین، مٹھی، میرپور خاص، کراچی، سجاول، میرپور، ٹھٹھہ اور گرد و نواح میں بارش ہونے کی توقع ہے۔
آزاد کشمیر اور گلگت بلتستان میں چند مقامات پر گرج چمک کے ساتھ بارش کا امکان ہے۔ دوسری جانب مغربی ہوائیں پنجاب کے بالائی علاقوں میں داخل ہو گئی ہیں جس سے بارشوں کا امکان ہے۔
پی ڈی ایم اے پنجاب نے صوبہ بھر میں بارشوں کا الرٹ جاری کیا ہے، جس کے مطابق 7 اکتوبر تک پنجاب کے بیشتر اضلاع میں بارشوں کی پیشگوئی کی گئی ہے، بارشوں کے باعث پانی کے بہاؤ میں اضافے کا خدشہ ہے۔
گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبر پختونخوا اورزیریں سندھ میں چند مقامات پر تیز ہواؤں اور گرج چمک کے ساتھ بارش ہوئی۔