وفاقی وزیرخزانہ محمد اورنگزیب کا کہنا ہے کہ معاشی استحکام کے ساتھ شرح نمو میں اضافہ ترجیح ہے۔
میڈیا سے گفتگو کرتے ہوئے انہوں نے کہا معاشی میدان میں اہم کامیابیوں کا سلسلہ جاری ہے ،نومبر میں کرنٹ اکاؤنٹ سرپلس 10سال بعد اس لیول پر آیا ،ترسیلات زر میں 35فیصد اضافہ ہوا ہے،یقین ہے ترسیلات زر35ارب ڈالر سے بڑھ جائیں گی۔
پاکستان کا کرنٹ اکاؤنٹ بیلنس نومبر میں بھی سرپلس رہا
برآمدی شعبے میں بھی مثبت رجحان ہے،ٹھوس اقدامات سےمعیشت استحکام کی طرف گامزن ہے ،مہنگائی 6سال کی کم ترین سطح پرہے،نومبر میں 4.9فیصد پر آگئی،مہنگائی کا اثر براہ راست عام آدمی پر پڑتاہے،کوشش کریں گے مہنگائی میں کمی کا فائدہ عام آدمی کو پہنچائیں۔
انہوں نے مزید کہا اسٹیٹ بینک نے مسلسل پانچویں بار شرح سود میں کمی کی ،شرح سود کا 13فیصد پر آنا معیشت کیلئے اہمیت کا حامل ہے ،کاروباری برادری کے اعتماد میں بھی نمایاں اضافہ ہوا ہے۔