پی ٹی آئی نے مخصوص نشستوں سے متعلق درخواست پشاور ہائیکورٹ میں دائر کردی۔
خیبرپختونخوا تحریک انصاف کے جنرل سیکرٹری علی اصغر کی جانب سے دائر کی گئی درخواست میں الیکشن کمیشن اور دیگر کو فریق بنایا گیا ہے۔
درخواست میں موقف اختیار کیا گیا کہ مخصوص نشستیں پی ٹی آئی کا حق ہیں، مخصوص نشستوں سے متعلق کیس میں تحریک انصاف کو نہیں سنا گیا۔
خیبر پختونخوا اسمبلی میں مخصوص نشستوں کی تقسیم کا اعلامیہ کالعدم قرار
تحریک انصاف خیبرپختونخوا کے جنرل سیکرٹری علی اصغر نے استدعا کی کہ درخواست گزار کو مخصوص نشستوں کا کیس لڑنے کا حق دیا جائے۔
درخواست میں کہا گیا کہ پشاور ہائیکورٹ کو مخصوص نشستوں کے معاملے پر مس لیڈکیاگیا تھا، عدالت سے استدعا کرتے ہوئے کہا گیا کہ ہائیکورٹ کا 13 اور 14 مارچ 2024 کا فیصلہ کالعدم قراردیا جائے۔