خیبر پختونخوا کے جنوبی اضلاع میں پولیو کے 2 نئے کیسز سامنے آ گئے ہیں جس کے بعد رواں سال ملک میں مجموعی کیسز کی تعداد 26 ہو گئی۔
نیشنل ایمرجنسی آپریشن سنٹر ( این ای او سی ) کے مطابق نئے کیسز لکی مروت اور شمالی وزیرستان میں رپورٹ ہوئے ہیں۔
این ای او سی کےاعلامیے میں کہا گیا ہے کہ پولیو ایک لاعلاج بیماری ہے، جو عمر بھر کی معذوری کا باعث بن سکتی ہے، ہر مہم میں 5 سال سے کم عمر کے تمام بچوں کو پولیو سے بچاؤ کے قطرے لازمی پلائیں۔
اسلام آباد میں ڈینگی کے مزید 25 کیسز رپورٹ ، تعداد 458 ہو گئی
اعلامیے کے مطابق جنوبی خیبر پختونخوا، باجوڑ اور اپر دیر میں آج سے انسداد پولیو مہم کا آغاز کیا گیا ہے، رواں ہفتے کی مہم میں 16 لاکھ 85 ہزار سے زائد بچوں کو پولیو سے بچاؤ کے قطرے پلائے جائیں گے۔