عالمی اور مقامی مارکیٹ میں سونا مزید مہنگا ہو گیا جس کے بعد سونے کی قیمت بلند ترین سطح پر پہنچ گئی۔
انٹرنیشنل گولڈ مارکیٹ میں فی اونس سونا 54 ڈالر مہنگا ہونے کے بعد فی اونس کی قیمت 3 ہزار 940 ڈالر پر پہنچ گئی۔
مقامی صرافہ ایسوسی ایشن کے مطابق فی تولہ سونے کی قیمت میں 5 ہزار 400 روپے کا اضافہ ریکارڈ کیا گیا جس کے بعد فی تولہ سونے کی نئی قیمت 4لاکھ 15 ہزار 278 روپے ہو گئی۔
اسٹاک ایکسچینج میں شدید مندی ، ڈالر سستا ہو گیا
اسی طرح 10 گرام سونے کے بھائو میں بھی 4 ہزار 629 روپے کا اضافہ ہوا جس سے 10 سونا 3 لاکھ 56 ہزار 33 روپے کی سطح پر آ گیا۔
سونے کے علاوہ چاندی کی قیمتوں میں بھی اضافہ ریکارڈ کیا جانے لگا ہے، جس کے ساتھ ہی چاندی قیمت فی تولہ 4 ہزار سے متجاوز ہو گئی ہے۔
مارکیٹ نرخ کے مطابق فی تولہ چاندی کی قیمت 4 ہزار 949 روپے ہو گئی ہے جو ملکی تاریخ میں سب سے زیادہ ہے، معاشی غیر یقینی صورتحال اور سرمایہ کاروں کی محفوظ سرمایہ کاری کے رجحان نے سونے اور چاندی کی مانگ میں اضافہ کر دیا ہے۔