پاکستان تحریک انصاف کا جلسہ ملتوی ہونے اور بانی پی ٹی آئی عمران خان سے اعظم سواتی کی ملاقات پر علیمہ خان کا رد عمل آ گیا۔
بانی پی ٹی آئی کی ہمشیرہ علیمہ خان نے کہا کہ اعظم سواتی کس کے کہنے پر صبح سابق چیئرمین پی ٹی آئی سے ملنے گیا ؟ کس کے کہنے پر عمران خان کو جلسہ ملتوی کرنے کا پیغام پہنچایا گیا؟۔
اسلام آباد انتظامیہ نے پی ٹی آئی کو 8 ستمبر کو جلسہ کرنے کی اجازت دے دی
علیمہ خان نے مزید کہا کہ صبح ساڑھے 7 بجے اڈیالہ جیل میں بانی پی ٹی آئی سے ملاقات کیسے ہو سکتی ہے؟۔
ان کا مزید کہنا تھا کہ کارکنوں کا سامنا کرنے کی ہمت نہیں تھی تو بانی پی ٹی آئی سے فیصلہ کروا دیا ، پارٹی چیئرمین باہر بیٹھے ہیں ، انہوں نے فیصلہ کیوں نہیں کیا؟۔ موجودہ لیڈر شپ کا بانی تحریک انصاف کو باہر نکالنے کا ارادہ ہی نہیں۔