جمعیت علماء اسلام (جے یو آئی۔ف) کے سربراہ مولانا فضل الرحمان نے کہا ہے کہ علماء سب بھائی، بھائی ہیں، علما کو لڑانے کی کوشش ناکام ہوگی۔
جامعہ اسلامیہ اسلام آباد کے طلباء سے خطاب میں جے یو آئی سربراہ نے کہا کہ آج مدارس پر ایک مشکل ضرور ہے لیکن اللہ ہمیں کامیابی دے گا۔
انہوں نے کہا کہ مدارس مخالفین ناکام ہوں گے، مخالفین کا موقف اصولی، آئینی اور قانونی لحاظ سے کمزور ہے۔
حکومت نے مولانا فضل الرحمان کیخلاف علماء کو بٹھایا، حافظ حمد اللہ
مولانا فضل الرحمان نے مزید کہا کہ علماء کو آپس میں لڑانے کی کوشش ہو رہی ہے، جو ناکام ہوگی، علما سب بھائی، بھائی ہیں۔
اُن کا کہنا تھا کہ اتحاد تنظیمات مدارس دینیہ میں ہم مختلف مکاتب فکر کو اپنے ساتھ ملائے ہوئے ہیں، اصل دشمن کو تلاش کرنا ہے کہ ہمارے درمیان تفریق کون ڈال رہا ہے؟