عدالت نے پاکستان تحریک انصاف کے سینیٹراعظم سواتی کا پاسپورٹ بلاک لسٹ سے نکالنے کی ہدایت کردی۔
انسداددہشت گردی عدالت کے جج ابوالحسنات محمد ذوالقرنین نے درخواست پر سماعت کی۔ اعظم سواتی نے تھانہ کوہسار کے مقدمہ میں پاسپورٹ بلاک کرنے پر درخواست دائر کی تھی۔
درخواست میں استدعا کی گئی کی جب یہ مقدمہ درج کیا گیا تھا تب میں جیل میں موجود تھا۔ مجھے بیرون ملک جانے سے روکنے کیلئے نام بلاک لسٹ میں ڈالا گیا تھا۔
اس سے پہلے اگست میں پاکستان تحریک انصاف کے رہنما اعظم سواتی کو پشاور ایئرپورٹ پر بیرون ملک جانے سے روک دیا گیا تھا۔
بیرون ملک جانے سے روکے جانے کے بعد اعظم خان سواتی نے پشاور ہائیکورٹ میں توہین عدالت کی درخواست دائر کر دی تھی جس میں کہا گیہے کہ عدالتی حکم کے باوجود بیرون ملک جانے کی اجازت نہیں دی گئی۔
شبلی فراز کا نام ای سی ایل میں ڈالنے پر حکومت سے جواب طلب
واضح رہے پشاور ہائیکورٹ کے دو رکنی بینچ نے اعظم خان سواتی کا نام ای سی ایل سے نکالنے کے احکامات جاری کرتے ہوئے بیرون ملک جانے کی اجازت دی تھی۔