اسلام آباد کی ڈسٹرکٹ اینڈ سیشن کورٹ نے وزیراعلیٰ خیبر پختونخوا علی امین گنڈا پور کے وارنٹ جاری کرتے ہوئے انہیں گرفتار کر کے پیش کرنے کا حکم جاری کر دیا۔
شراب اور اسلحہ برآمدگی کیس میں عدالت نے علی امین گنڈاپور کی جانب سے حاضری سے استثنیٰ کی درخواست مسترد کر دی۔ یہ وارنٹ جوڈیشل مجسٹریٹ مبشر حسن چشتی نے جاری کیے۔
عدالت نے کیس کی سماعت 21 جولائی تک ملتوی کر دی ہے، یہ مقدمہ اسلحہ اور شراب کی مبینہ برآمدگی سے متعلق ہے، جو ماضی میں ان کے خلاف درج کیا گیا تھا۔
ہمیشہ وہ قوم دفاعی طور پر کمزور ہوتی جو اپنے شہدا کو بھول جاتی ہے، علی امین گنڈاپور
قبل ازیں شراب اور اسلحہ برآمدگی کیس میں وزیراعلیٰ خیبرپختونخوا علی امین گنڈاپور کے وکیل نے پشاور ہائی کورٹ کا فیصلہ سیشن کورٹ میں پیش کیا اور موقف اختیار کیا کہ یہ عدالت علی امین گنڈاپور کے وارنٹ گرفتاری جاری نہیں کر سکتی، ستمبر کی کوئی تاریخ دے دیں۔