کوئٹہ: بلوچستان حکومت نے پوست کے بیچ (خشخاش) پر پابندی عائد کر دی۔
محکمہ داخلہ بلوچستان کے اعلامیہ کے مطابق بلوچستان حکومت نے پوست کے بیج کی نقل و حمل، خریدوفروخت اور خریداری پر ضابطہ فوجداری کی دفعہ 144 کے تحت فوری اور مکمل پابندی عائد کی۔
اعلامیہ میں کہا کیا کہ پابندی کا فیصلہ پوست ممنوعہ منشیات کی غیر قانونی کاشت کو فروغ ملنے کے خدشے کے باعث کیا گیا۔
جاری کردہ اعلامیہ کے مطابق اس قسم کی سرگرمیاں عوامی امن و امان کے لیے سنگین خطرہ ہیں۔ جو معاشرے میں منشیات کی لعنت کو مزید پھیلانے کا سبب بھی بن سکتی ہیں۔
یہ بھی پڑھیں: پیپلز پارٹی اور ن لیگ کا ایک دوسرے کیخلاف لفظی جنگ بند کرنے پر اتفاق
حکومتی اعلامیہ میں کہا گیا ہے کہ پوست کے بیج (خشخاش) پر پابندی اگلے احکامات تک برقرار رہے گی۔