دھند کے باعث سیالکوٹ انٹرنیشنل ایئرپورٹ پرتمام پروازیں منسوخ جبکہ لاہورایئرپورٹ پر پروازوں کو لینڈنگ کی اجازت نہ ملی۔
ترجمان سیالکوٹ انٹرنیشنل ائیر پورٹ کے مطابق سیالکوٹ ایئرپورٹ پر آنے والی تمام بین الاقوامی پروازوں کا شیڈول آج دوپہر پرمنتقل کردیا، آج پروازوں کے نئے شیڈول کا اعلان موسمی حالات کو دیکھ کر کیا جائے گا۔
پی آئی اے کی فلائٹ پیرس ایئر پورٹ پر لینڈ کر گئی
ایئرپورٹ حکام کے مطابق لاہورمیں شدید دھند کے باعث ائیرپورٹ پرحد نگاہ انتہائی کم ہو گیا، ایئرٹریفک کنٹرول کی جانب سے مختلف طیاروں کو لینڈنگ کی اجازت نہ ملی۔
ایئرپورٹ حکام کا کہنا تھا کہ ابوظہبی، ریاض اور شارجہ سےلاہور آنے والی پروازوں کو لینڈنگ کی اجازت نہیں ملی، مسافرایئرپورٹ آنے سے قبل فلائٹ انکوائری سے معلومات حاصل کریں۔