اسلام آباد: چیف جسٹس پاکستان جسٹس یحییٰ آفریدی نے کہا ہے کہ سپریم کورٹ میں اینٹی کرپشن ہیلپ لائن قائم کر دی ہے۔
چیف جسٹس پاکستان جسٹس یحییٰ آفریدی نے جوڈیشل کانفرنس سے خطاب کرتے ہوئے کہا کہ ہمیشہ قانون کی بالادستی کے لیے کام کیا۔ عدالتی نظام میں شفافیت سے سائلین کوفوری انصاف ملے گا۔ اور ٹیکنالوجی کے استعمال سے عدالتی نظام کو مؤثر بنایا جا رہا ہے۔
انہوں نے کہا کہ عہدہ سنبھالنے کے بعد اصلاحات کی ضرورت محسوس ہوئی تو 5 بنیادوں پر عدالتی نظام میں اصلاحات شروع کیں۔ مقدمات کو جلد نمٹانا ترجیحی ہونی چاہیے۔ اور سپریم کورٹ میں اینٹی کرپشن ہیلپ لائن قائم کر دی گئی ہے۔
جسٹس یحییٰ آفریدی نے کہا کہ سپریم کورٹ میں عوامی رائے کے لیے خصوصی پورٹل فعال کیا گیا ہے۔ اور وکلا سے متعلق تمام معلومات سہولت مرکز میں دستیاب ہوں گی۔ اور سہولت مرکز میں معلومات دفتری کام متاثر کیے بغیر دستیاب ہوں گی۔ جبکہ سہولت مرکز کا آج افتتاح ہو گا اور یہ یکم اکتوبر سے مکمل فعال ہو گا۔
انہوں نے کہا کہ عدالتوں میں ڈیجیٹل کیس فائلنگ کا نظام وضع کیا گیا ہے۔ اور سپریم کورٹ میں ای سروسز کا آغاز کیا جا چکا ہے۔ نظام عدل میں آرٹیفیشل انٹیلی جنس (اے آئی) کا استعمال ہونا چاہیے۔
یہ بھی پڑھیں: علی امین گنڈاپور نے رواں ماہ جلسہ کرنے کا اعلان کر دیا
چیف جسٹس نے کہا کہ ہم نے اندرونی آڈٹ بھی کروایا ہے۔ اور مقدمات کو اے آئی کے ذریعے مقرر کیا جائے گا۔ جبکہ 61 ہزار فائلیں ڈیجیٹل اسکین ہوں گی اور پراجیکٹ 6 ماہ میں مکمل ہو جائے گا۔ سپریم کورٹ میں عوامی رائے کے لیے خصوصی پورٹل فعال کیا گیا ہے۔
انہوں نے کہا کہ عدالتوں میں ای سروسز کا آغاز بھی کیا جا چکا ہے۔ اور عدالتوں میں ڈیجیٹل کیس فائلنگ کا نظام وضع کیا گیا ہے۔