عالمی اور مقامی مارکیٹ میں سونا مزید مہنگا ہو گیا جس کے بعد قیمت تاریخ کی بلند ترین سطح پر پہنچ گئی ۔
آل پاکستان صرافہ جیمز اینڈ جیولرز ایسوسی ایشن کے مطابق مقامی مارکیٹ میں سونے کی قیمت تاریخ کی نئی بلند ترین سطح پر جا پہنچی، فی تولہ سونے کی قیمت میں بڑا اضافہ ہوا ، 6 ہزار روپے کے اضافے بعد فی تولہ سونا 3 لاکھ ، 76 ہزار 700 روپے کا ہو گیا۔
اسٹاک مارکیٹ تاریخی بلندی پر ، انڈیکس نے ایک لاکھ ، 52 ہزار کی حد کو چھو لیا
اس کے علاوہ دس گرام سونے کی قیمت بھی 5 ہزار 144 روپے بڑھی جس کے بعد دس گرام سونا تین لاکھ ، 22 ہزار 959 روپے پر جا پہنچا۔ جبکہ فی تولہ چاندی بھی 12 روپے بڑھ کر 4315 روپے کی ریکارڈ سطح پر جا پہنچی۔
دوسری جانب انٹرنیشنل گولڈ مارکیٹ میں 60 ڈالر کے اضافے کے بعد فی اونس سونا تین ہزار 540 ڈالر کا ہو گیا ہے۔ گزشتہ روز عالمی اور مقامی مارکیٹ میں سونے کی قیمتوں میں کوئی رد وبدل نہیں ہوا تھا۔