سندھ اولمپکس ایسوسی ایشن نے کراچی میں شیڈول نیشنل گیمز دوسری بار پھر ملتوی کر دیئے۔
سندھ اولمپکس نے تمام متعلقہ اداروں کو ایک خط کے ذریعے ناگزیر وجوہات کی بنا پر نیشنل گیمز ملتوی کیے جانے کا بتایا ہے۔ نیشنل گیمز یکم مئی سے کراچی میں شروع ہونے تھے ، سندھ کو 18 سال بعد میزبانی ملی تھی۔
وویمن بلائنڈ کرکٹ ٹیم پہلا انٹرنیشنل سیریز کھیلنے آسٹریلیا روانہ
دوسری جانب ذرائع کا کہنا ہے کہ شدید گرمی ہیٹ ویو اور انٹر کے امتحانات کی وجہ سے گیمز ملتوی کیے گئے ، ذرائع کا یہ بھی کہنا ہے کہ گیمز کے انتظامات نہیں کیے جا سکے تھے، بیشتر گراؤنڈز اسپورٹس کمپلیکس میں اپ گریڈیشن کا کام نہیں کرایا گیا تھا۔
واضح رہے کہ نیشنل گیمز اس سے قبل فروری میں کرانے کا اعلان کیا گیا تھا جس کو ملتوی کیا گیا تھا ، نیشنل گیمز کی نئی تاریخوں کا اعلان بعد میں کیا جائے گا۔