اسلام آباد: سابق بھارتی کور کمانڈر نے بھارت کی جنگی صلاحیتوں پر سوال اٹھا دیا۔
سابق بھارتی کور کمانڈر نے اعتراف کیا ہے کہ بھارت کے پاس پاکستان سے جنگ کی اہلیت ہے اور نہ ہی صلاحیت ہے۔ ہمارے پاس ایسی تکنیکی برتری نہیں جو جنگی کارروائیاں بغیر کسی خوف کے انجام دینے کے لیے درکار ہوتی ہے۔ جیسے امریکہ کرتا ہے۔
انہوں نے کہا کہ ہمارے پاس نہ تو میزائل پاور ہے اور نہ ہی ڈرونز۔ نہ فضائی اور نہ ہی بحری طاقت میں وہ برتری ہے کہ ہم بغیر کسی خطرے کے جنگی کارروائی کر سکیں۔
سابق بھارتی کور کمانڈر نے کہا کہ پاکستان یقینی طور پر جواب میں کارروائی کرے گا۔ کیونکہ جنگی کارروائیاں ہمیشہ دو طرفہ ہوتی ہیں یک طرفہ نہیں۔
یہ بھی پڑھیں: خالصتان تحریک کے رہنما گرپتونت سنگھ پنوں کی پاکستان کیساتھ اظہار یکجہتی
اس اعتراف کے بعد دفاعی ماہرین نے کہا کہ سابقہ بھارتی کور کمانڈر کا اعتراف واضح کرتا ہے کہ بھارت جنگ میں پاکستان کا سامنا کرنے کے لیے تیار نہیں ہے۔
انہوں نے کہا کہ سابقہ بھارتی کور کمانڈر کا اعتراف حقیقت پر مبنی ہے۔ کیونکہ کور کمانڈر جنگ کے زمینی حقائق سے اچھی طرح واقف ہوتا ہے۔