اطالوی بحریہ کا جہاز آئی ٹی ایس انتونیو مارچیلیا تین روزہ خیرسگالی دورے پر کراچی بندرگاہ پہنچ گیا ہے۔
جہاز کی کراچی آمد پر ایک پروقار استقبالیہ تقریب منعقد ہوئی، جس میں پاک بحریہ کے افسران نے اطالوی جہاز کے کمانڈنگ آفیسر اور عملے کا پرتپاک خیرمقدم کیا۔ تقریب میں پاکستان میں متعین اطالوی سفیر اور قونصل خانے کے دیگر حکام بھی شریک تھے۔
سونے کی فی تولہ قیمت میں ایک ہزار روپےکی کمی
دورانِ قیام، اطالوی بحریہ کے افسران اور عملہ مختلف پیشہ ورانہ سرگرمیوں میں حصہ لیں گے، جن میں جہازوں کے باہمی دورے، میری ٹائم سیکیورٹی سے متعلق مشاورت اور مشترکہ تربیتی نشستیں شامل ہیں۔ ان سرگرمیوں کا مقصد دونوں بحری افواج کے مابین پیشہ ورانہ ہم آہنگی اورباہمی اعتمادکو فروغ دینا ہے۔
دورے کےاختتام پر آئی ٹی ایس انتونیو مارچیلیا پاک بحریہ کے جہازوں کے ساتھ مشترکہ بحری مشقوں میں بھی حصہ لے گا جن میں جنگی مشقیں اور میری ٹائم سیکیورٹی آپریشنز شامل ہوں گے۔ ان مشقوں کا مقصد دونوں افواج کے درمیان مشترکہ آپریشنز کی صلاحیت کو مزید تقویت دینا ہے۔
بھارتی اسٹریٹجک مفروضوں کو ہمیشہ کے لئے زمین بوس کر دیا،ڈی جی آئی ایس پی آر
آئی ٹی ایس انتونیو مارچیلیا کا دورۂ پاکستان، دونوں ممالک کے درمیان مضبوط ہوتے ہوئے بحری تعلقات اور خطے میں امن و استحکام کے لیے مشترکہ عزم کا مظہر ہے۔