ملکی تاریخ میں پہلی مرتبہ تاریخی اقدام کے تحت پاکستان نے وقت سے پہلے ہی 2600 ارب روپے کا قرض ادا کر دیا ہے۔
وزیر خزانہ کے مشیر خرم شہزاد نے اتوار کو سماجی رابطوں کی ویب سائٹ ایکس پر اپنی ایک پوسٹ میں کہا کہ 30 جون 2025 کو وزارت نے 500 ارب روپے کا قرضہ قبل از وقت ادا کر دیا، صرف دو ماہ بعد 29 اگست 2025 کو ڈیبٹ مینجمنٹ آفس نے 1,133 ارب روپے قرضہ کی ایک اور یادگار واپسی سر انجام د ی جس سے ایس بی پی کے قرض کی ادائیگی 1,633 ارب روپے ہو گئی ۔
پاکستانی باسمتی چاول کی برآمدات میں 43 فیصد کمی
انہوں نے کہا قبل ازیں وزارت خزانہ نے مالی سال 2025 کی پہلی ششماہی میں 1,000 ارب روپے کا مقامی تجارتی مارکیٹ کا قرض ادا کیا تھا جو پاکستان کی تاریخ میں اس طرح کا قرض کی ادائیگی کا پہلا اقدام تھا۔
انہوں نے کہا کہ مرکزی بینک اور کمرشل دونوں سمیت، ایک سال سے بھی کم عرصے میں قرض کی کل ریٹائرمنٹ اب 2,600 ارب روپے سے زیادہ ہو گئی ہے جو ملک کی مالیاتی تاریخ میں ایک بے مثال اور فیصلہ کن اقدام ہے ۔