حکومت سندھ نے 5 اور 6 ستمبر کو صوبے بھر میں عام تعطیل کااعلان کیا ہے ۔
نوٹیفکیشن کے مطابق صوبے بھر میں عید میلادا لنبیﷺپرجمعہ اور ہفتہ کو عام تعطیل ہوگی،سندھ کے تمام سرکاری دفاتراور خود مختار ادارے 5اور6ستمبر کو بند رہیں گے۔
کراچی اور حیدرآباد کے درمیان نئی موٹروے بنانے کا فیصلہ
حکومت کے انتظامی کنٹرول کے تحت کارپوریشنز اور لوکل کونسلز کے دفاتر بھی بند رہیں گے۔اس اعلان کے بعد صوبے بھر کے سرکاری و نجی شعبے میں کام کرنے والے لاکھوں ملازمین کی ایک ساتھ 3 چھٹیاں (جمعہ ،ہفتہ ، اتوار) ہونگی۔
یاد رہے کہ وفاقی حکومت نے عید میلاد النبی ﷺ کے موقع پر صرف ایک چھٹی (ہفتہ ) کا اعلان کیا ہے،کابینہ ڈویژن کی جانب سے جاری نوٹیفکیشن کے مطابق 6 ستمبر بروز ہفتہ کو تمام سرکاری، نیم سرکاری ادارے، اسکولز، کالجز اور دفاتر بند رہیں گے۔
جولائی تا اگست:سیمنٹ کی برآمدات میں 51 فیصد اضافہ
دوسری جانب شہری مذہبی عقیدت و احترام کے ساتھ عید میلاد النبی ﷺ کی تیاریاں جاری رکھے ہوئے ہیں۔ ملک کے مختلف شہروں میں جلوسوں اور محافل میلاد کی تیاریوں کو حتمی شکل دی جا رہی ہے۔ گلیوں، بازاروں اور عمارتوں کو برقی قمقموں اور سبز جھنڈیوں سے سجایا جا رہا ہے۔
انتظامیہ کی جانب سے سیکیورٹی پلان بھی مرتب کر لیا گیا ہے تاکہ مرکزی جلوسوں اور اجتماعات کو فول پروف تحفظ فراہم کیا جا سکے۔ پولیس کے اضافی دستے تعینات کیے جائیں گے جبکہ ٹریفک کا متبادل پلان بھی تیار کیا گیا ہے تاکہ شہریوں کو کسی پریشانی کا سامنا نہ کرنا پڑے۔
خام تیل کی قیمتوں میں ایک فیصد سے زائد کی کمی
واضح رہے کہ عید میلاد النبی ﷺ کے موقع پر ہر سال کی طرح اس بار بھی ملک بھر میں جلوسوں، محافل اور اجتماعات کا انعقاد کیا جائے گا، جن میں لاکھوں عاشقانِ رسول ﷺ شریک ہوں گے۔