اسلام آباد: حج 2026 کے لیے عازمین کی لازمی رجسٹریشن میں ایک روز باقی ہے۔ 2 لاکھ پاکستانیوں نے آئندہ حج کے لیے رجسٹریشن کرا لی۔
وزارت مذہبی امور کے مطابق حج 2026 کے لیے رجسٹریشن 15 نامزد بینکوں سے کروائی جا سکتی ہے۔ اور عازمین حج رجسٹریشن گھر بیٹھے آن لائن بھی کرا سکتے ہیں۔ حج رجسٹریشن کے لیے کوئی فیس ادا نہیں کرنا ہو گی۔
حج 2026 کے لیے قبل از وقت رجسٹریشن کرانا لازمی ہے۔ اور رجسٹریشن کروانے والے درخواست گزار حج 2026 کے اہل ہوں گے۔ حج رجسٹریشن کے بعد عازمین سرکاری یا نجی حج اسکیم منتخب کر سکیں گے۔
یہ بھی پڑھیں: زرعی شعبے کی پیداوار میں بہتری اور ویلیو ایڈیشن حکومت کی اولین ترجیح ہے، وزیر اعظم
وزارت مذہبی امور کے مطابق حج 2026 کے اخراجات اور دیگر شرائط و ضوابط حج پالیسی کے مطابق الگ سے جاری کیے جائیں گے۔ حج رجسٹریشن حکومت سعودی عرب کی ہدایت پر کی جا رہی ہے۔
حج رجسٹریشن مکمل ہونے پر اعداد و شمار سے سعودی حکومت کو آگاہ کیا جائے گا۔ اور رجسٹریشن کی بنیاد پر حکومت سعودی عرب حج کوٹہ مقرر کرے گی۔