عوامی مسلم لیگ کے سربراہ شیخ رشید احمد نے کہا ہے کہ بھارت نے پاکستان کو میلی آنکھ سے دیکھا تو نہ مندر کی گھنٹیاں بجیں گی اور نہ چڑیا چہک سکے گی۔ ایسی ڈوز دی جائے گی کہ وہ تاقیامت یاد رکھے گا۔
راولپنڈی میں اڈیالا جیل کے باہر میڈیا سے گفتگو کرتے ہوئے انہوں نے کہا کہ بھارت کا دماغ خراب ہو چکا ہے، اسے ایک اور گولی کی ضرورت ہے۔
اپنی جیل آمد کے حوالے سے شیخ رشید نے بتایا کہ پولیس نے انہیں پہلے داہگل ناکے پر آدھے گھنٹے تک روکے رکھا اور اب جیل کے اندر جانے سے بھی روک دیا گیا ہے۔ حکام نے کہا ہے کہ وہ باہر ہی انتظار کریں۔
ان کا کہنا تھا کہ 9 مئی کے واقعات کے وقت وہ پاکستان میں موجود نہیں تھے بلکہ بیرون ملک تھے، لیکن وطن واپسی پر ان کا نام ملزمان کی فہرست میں شامل کر دیا گیا۔
ملکی سیاسی حالات خراب ہوتے جا رہے ہیں ، شیخ رشید