پاک فوج نے بھارتی فوجی قیادت کے من گھڑت اور اشتعال انگیز پروپیگنڈے کی مذمت کرتے ہوئے کہا ہے کہ بھارتی گھمنڈ اور اشتعال انگیز بیانات سے جنوبی ایشیا میں امن کو سنگین نتائج کا سامنا کرنا پڑ سکتا ہے۔
آئی ایس پی آر کے بیان میں کہا گیا ہے کہ انتہائی تشویش کے ساتھ نوٹس کیا گیا کہ بھارتی فوجی قیادت نے معرکہِ حق کے 5 ماہ بعد پروپیگنڈہ دہرانا شروع کیا، بھارتی فوجی قیادت کا من گھڑت، اشتعال انگیز پروپیگنڈہ دہرانا انتہائی تشویشناک ہے۔
آئی ایس پی آر کا کہنا ہے کہ بہار اور مغربی بنگال کے انتخابات کے پیش نظر بھارتی نے یہ پروپیگنڈہ دہرانا شروع کیا، ایسا لگتا ہے بھارتی فوج اور اسکی سیاسی قیادت معرکہ حق کی شکست تسلیم نہیں کر پائی۔
کرم سیکٹر میں افغان طالبان اور فتنہ الخوارج کی بلا اشتعال فائرنگ،پاک فوج کا بھرپور اور شدید جواب
آئی ایس پی آر نے کہا کہ بھارتی فوج اس حقیقت کو ہضم نہیں کر پائی کہ انہیں معرکہ حق میں فیصلہ کن شکست ہوئی، بھارت کی جھوٹ کی پرتیں بے نقاب ہو چکی ہیں، دنیا اب بھارت کو سرحد پار دہشتگردی کا اصلی چہرہ اور علاقائی عدم استحکام کا مرکز مانتی ہے۔
بیان کے مطابق بھارت اپنے عوام اور پڑوسیوں کے مفاد کے منافی مہم جوئی اور بالادستی کی پالیسیوں پر اڑا ہوا ہے، پاکستانی عوام اور افواج اپنی دھرتی کے ہر انچِ کے دفاع کے لیے پوری صلاحیت اور پختہ عزم رکھتے ہیں۔
آئی ایس پی آر نے کہا کہ بھارتی مسلح افواج اور اس کے سیاسی آقاؤں کو پاکستانی صلاحیت اور عزم کو سمجھ لینا چاہیے، ہر جارحانہ عمل کا جواب تیز، پختہ اور بھرپور انداز میں دیا جائے گا، جو اگلی نسلیں یاد رکھیں گی۔
شہداء کا ذکر کرتے ہوئے ڈی جی آئی ایس پی آر آبدیدہ ہو گئے
پاک فوج کے شعبہ تعلقات عامہ کے مطابق بھارتی عوام اور بین الاقوامی برادری کو جھوٹ باور کروائے جا رہے ہیں، بھارتی قیادت بالی ووڈ طرز کے منظرنامے گھڑ رہی ہے ، ہر پیشہ ور فوجی جانتا ہو گا کہ غیرضروری گھمنڈ اور بے جا بیانات جنگی جنون بڑھا سکتے ہیں،۔