کسٹمزکے میرین انفورسمنٹ یونٹ نے کارروائی کرکےایک لاکھ32ہزار 564 لیٹر ایرانی اسمگل شدہ ڈیزل لے جانے والی 3لانچیں پکڑ لیں۔
ترجمان ایف بی آر نے دعویٰ کیا کہ ضبط شدہ ڈیزل کی مالیت 33کروڑ روپے سےزائد ہے،پکڑی گئی تینوں لانچوں کی مالیت 4کروڑ 50لاکھ روپے ہے۔
کارروائی ساحلی راستے سے اسمگل شدہ پیٹرولیم مصنوعات منتقل کرنے کی خفیہ اطلاع پر کی گئی ،پکڑی جانے والی لانچوں کوکراچی پورٹ پر پہنچا دیا گیا۔
ایف بی آر کا کہنا ہے کہ کارروائی میرین یونٹ کی جانب سے اب تک کی سب سے بڑی کارروائی ہے۔