نائب وزیراعظم و وزیر خزانہ اسحاق ڈار نے کہا ہے کہ ” الحمدللہ، پاکستان کا امریکا کے ساتھ اہم معاہدہ طے پا گیا ہے، یہ بیان ٹرمپ کی سوشل میڈیا پلیٹ فارم ” ٹروتھ سوشل” پردی گئی پوسٹ کے جواب میں جاری کیا۔
اسحاق ڈار نے کہا کہ یہ معاہدہ دونوں ممالک کے درمیان معاشی تعاون، توانائی کے شعبے میں شراکت داری اور سرمایہ کاری کے نئے مواقع پیدا کریگا، پاکستان اپنی معاشی پوزیشن کومستحکم بنانے کی طرف گامزن ہے۔
امریکہ اور پاکستان کے درمیان تجارتی معاہدہ طے پا گیا، ٹرمپ کا اعلان
انہوں نے کہا کہ حکومت پاکستان نے ہمیشہ قومی مفاد میں معاشی ڈپلومیسی کوترجیح دی ہے اوریہ معاہدہ اسی حکمت عملی کا نتیجہ ہے۔
انہوں نے وزیراعظم شہبازشریف کی قیادت کو سراہتے ہوئے کہا کہ عالمی سطح پرپاکستان کا مقام ایک بارپھرمستحکم ہو رہا ہے۔
معاہدے کی تفصیلات آئندہ دنوں میں جاری کی جائیں گی تاہم حکومتی ذرائع کے مطابق یہ شراکت داری توانائی، بنیادی ڈھانچے اوربرآمدی مواقع کی وسعت میں کلیدی کردارادا کرے گی۔