پاکستان کرکٹ بورڈ (پی سی بی ) نے ایک تعلیمی ادارے کے ساتھ کرکٹرز کے لیے تعلیمی اسکالرشپ کا معاہدہ کر لیا۔
لاہور میں پی سی بی ہیڈ کوارٹر میں معاہدے پر دستخط کی تقریب ہوئی جس کے مہمانِ خصوصی چیئرمین پی سی بی محسن نقوی تھے۔ پاکستان وائٹ بال ٹیم کے ہیڈ کوچ مائیک ہیسن، ڈائریکٹر ڈومیسٹک کرکٹ عبداللّٰہ خرم نیازی اور جی ایم ڈومیسٹک جنید ضیاء بھی موجود تھے۔
جنوبی افریقا کیخلاف قومی ون ڈے ٹیم کے کپتان کا نام فائنل نہیں کیا،پی سی بی
معاہدے کے تحت ملک کے 16 ریجنز سے تعلق رکھنے والے انڈر 15، انڈر 17 اور انڈر 19 کیٹیگریز کے 120 نمایاں کھلاڑیوں کو مفت تعلیم دی جائے گی ، نوجوان کرکٹرز کیلیے تعلیمی وظائف کا معاہدہ 3 برس تک نافذ العمل رہے گا۔
چیئرمین پی سی بی محسن نقوی نے نوجوان کھلاڑیوں کیلیے تعلیمی معاونت پر تعلیمی ادارے کے اقدام کو سراہتے ہوئے کہا کہ نوجوان کرکٹرز کھیل کے ساتھ تعلیم پر بھی پوری توجہ دے سکیں گے۔
ویمنز ورلڈ کپ، پاکستان اور نیوزی لینڈ کا میچ بارش سے متاثر، نتیجہ نہ نکل سکا
محسن نقوی نے کہا کہ نوجوان کرکٹرز کے تعلیمی وظائف کا معاہدہ دور رس نتائج کا حامل ہو گا، شراکت داری سے مستقبل کے کرکٹ اسٹارز کی تعلیمی ضروریات کو پورا کیا جا سکے گا، تعلیمی اسکالرشپ کے دائرہ کار کو مزید وسعت دی جائے گی۔