اسپیکر قومی اسمبلی ایاز صادق وزرات آبی وسائل سے متعلقہ سوال کا جواب نہ آنے پر برہم ہوئے۔
اسپیکرقومی اسمبلی ایاز صادق نے سیکریٹری آبی وسائل کو طلب کرکے جواب کیوں نہیں آیا تحریری طور پر جمع کروائیں۔
سید نوید قمر نے کہا کہ اجلاس چل رہا ہے، صرف ایک وزیر ایوان میں موجود ہیں، وزیر خود اجلاس میں آئے اور نہ ہی سوال کا جواب آیا۔
قومی اسمبلی کا اجلاس ،اپوزیشن کا شور شرابا،نعرے بازی،ایجنڈے کی کاپیاں پھاڑ دیں
انہوں نے کہا کہ وزراء کی عدم دلچسپی پارلیمان کی توہین ہے، سپیکر ایاز صادق نے کہا کہ جواب کیوں نہیں آیا تحریری جمع کروائیں۔
دوسری جانب قومی اسمبلی کے اجلاس میں اپوزیشن ارکان نے ایک بار پھر احتجاج کیا اور نعرے بازی کی ، پی ٹی آئی اراکین نے ایجنڈے کی کاپیاں پھاڑ دیں۔
اجلاس کے دوران اپوزیشن لیڈر نے نکتہ اعتراض پر مائیک مانگ لیا ،اسپیکر نے سنی ان سنی کر دی،اپوزیشن لیڈر کو بولنے کی اجازت نہ دینے پر پی ٹی آئی اراکین نے احتجاج کیا۔