وفاقی دارالحکومت اسلام آباد میں گزشتہ 24 گھنٹوں کے دوران ڈینگی کے 25 نئے کیسز رپورٹ ہوئے ، جس کے بعد مجموعی تعداد 458 تک پہنچ گئی۔
ڈی ایچ او کے مطابق 18 کیسز دیہی اور 7 شہری علاقوں سے رپورٹ ہوئے ہیں۔ نئے مریضوں میں سے 21 کو اسپتال میں داخل کیا گیا ہے۔
رپورٹ میں بتایا گیا کہ بھارہ کہو سے 8، سوہان سے 4، سیکٹر G-5 سے 2 ، علی پور ، آئی نائن ، آئی ایٹ ، جی سکس ، جی تیرہ ، ایچ 13 ، کورال، روات، سہالہ، ترلائی اور ترنول سے ایک ایک کیس رپورٹ ہوا۔
پاکستان سے پولیو کاخاتمہ کرکے بچوں کا مستقبل محفوظ بنائیں گے، وزیراعظم
انتظامیہ نے بتایا کہ ڈینگی سرویلنس ٹیموں نے ضلعی انتظامیہ کے ساتھ متاثرہ علاقوں کا دورہ کیا اور486 مقامات کا معائنہ کرکے 15 مثبت ہاٹ اسپاٹس کی نشاندہی کی گئی اور ہاٹ اسپاٹس پر متعلقہ اسسٹنٹ کمشنرز نے کارروائی کی۔
مزید بتایا گیا کہ اسلام آباد میں ڈینگی کے خلاف 40 ہزار سرگرمیاں انجام دی گئیں،27 مریضوں کے گھروں اور 1129 اردگرد مکانات میں اسپرے کیا گیا اور ڈینگی کا پھیلاؤ روکنے کے لیے 176 مقامات پر فوگنگ کی گئی۔