اسلام آباد انتظامیہ نے تحریک لبیک پاکستان (ٹی ایل پی) کے دفاتر کو سیل کر دیا۔
ضلعی انتظامیہ کے مطابق ٹی ایل پی کا مرکزی دفترمری روڈ اٹھال چوک رورل ایریا میں بند کردیا گیا ہے اس کے علاوہ بہارہ کہو اورسترہ میل مری روڈ پرقائم دفاترکو بھی سیل کردیا گیا۔
کارروائی کے دوران پولیس کی بھاری نفری موقع پرموجود رہی جبکہ متعلقہ علاقوں میں داخلی و خارجی راستوں پر سیکیورٹی سخت کردی گئی۔
انتظامیہ کا کہنا ہے کہ کارروائی حکومتی احکامات اور سیکیورٹی خدشات کے پیش نظرکی گئی۔
این اے-1 چترال کے ضمنی انتخابات پشاور ہائیکورٹ کے حکم پر معطل
ذرائع کے مطابق دفاترکی بندش کے بعد علاقے میں صورتحال پرامن ہے تاہم کسی بھی ناخوشگوارواقعے سے نمٹنے کے لیے پولیس کو الرٹ رکھا گیا ہے۔