اسلام آباد اورراولپنڈی کے مختلف علاقوں میں موسلادھار بارش ہوئی، جس کے باعث کئی نشیبی علاقے زیرِ آب آ گئے اور شہریوں کو آمد و رفت میں مشکلات کا سامنا کرنا پڑا۔
جی نائن، ایف سیون، جی سکس، ایف سکس، بنی گالہ، بلیو ایریا، بہارہ کہو، مری روڈ، آئی جے پرنسپل روڈ اور سیٹلائٹ ٹاؤن میں شدید بارش ریکارڈ کی گئی۔
اگست کے مہینے میں بھی معمول سے زیادہ بارشیں متوقع
بارش کے باعث ٹریفک کی روانی متاثر ہوئی جبکہ بعض علاقوں میں بجلی کی بندش کی شکایات بھی سامنے آئیں، ضلعی انتظامیہ اورواسا کےعملے نے نشیبی علاقوں سے پانی کی نکاسی کیلئے ہنگامی اقدامات شروع کردیے ہیں۔
محکمہ موسمیات کے مطابق آئندہ 24 سے 48 گھنٹوں کے دوران مزید بارشوں کا امکان ہے، شہریوں کوہدایت کی گئی ہے کہ وہ غیرضروری سفرسے گریز کریں اوراحتیاطی تدابیراختیارکریں۔