اسلام آباد: پاکستان اور امریکہ کے درمیان 50 کروڑ ڈالر کے اہم معاہدے کے تحت پاکستان نے نایاب اور قیمتی معدنیات کے پہلی کھیپ امریکہ روانہ کر دی۔
رپورٹ کے مطابق پاکستان کے جانب سے امریکہ روانہ کی گئی اہم معدنیات میں اینٹمونی، تانبا اور نایاب ارضی عناصر شامل ہیں۔ ان میں نیوڈیمیئم اور پراسیوڈیمیئم شامل ہیں۔
امریکہ کی کمپنی یو ایس اسٹریٹیجک میٹلز کے سی ای او اسٹیسی ڈبلیو ہیسٹی کی ہے۔ جو ریاست میسوری میں واقع ہے۔ اور اسی کمپنی کو یہ قیمتی معدنیات فراہم کی جا رہی ہیں۔
واضح رہے کہ رواں سال ستمبر میں پاکستان کی فرنٹیئر ورکس آرگنائزیشن اور یو ایس اسٹریٹیجک میٹلز کے درمیان ایک ایم او یو پر دستخط ہوئے تھے۔ جس کا مقصد پاکستان میں پولی میٹالک ریفائنری قائم کرنا ہے۔ تاکہ امریکہ کو درکار اہم معدنیات کی سپلائی یقینی بنائی جا سکے۔
یہ معاہدہ پاکستان اور امریکہ کے درمیان اقتصادی تعاون کو فروغ دینے کی ایک بڑی کوشش کے طور پر دیکھا جا رہا ہے۔ اس کی وجہ سے دونوں ممالک کے تعلقات مضبوط ہوں گے۔
یہ بھی پڑھیں: نوبیل انعام برائے طب 2025 امریکی و جاپانی سائنسدانوں کا نام
امریکی محکمہ توانائی کی جانب سے تقریباً ایک ارب ڈالر مختص کیے جا رہے ہیں۔ تاکہ ان معدنیات کی کان کنی، پراسیسنگ اور مقامی صنعتوں میں استعمال کو فروغ دیا جا سکے۔
یہ معاہدہ نہ صرف پاکستان کے لیے قیمتی زرمبادلہ کا ذریعہ بنے گا۔ بلکہ ملک کی معدنیاتی و توانائی کی صنعت کو بھی عالمی سطح پر ایک نئی پہچان دے گا۔