پنجاب کابینہ نے کالعدم تحریک لبیک پاکستان پر پابندی کی باضابطہ توثیق کر دی ۔
وزیراعلیٰ پنجاب مریم نواز کی زیر صدارت پنجاب کابینہ کا اجلاس ہوا جس میں سرکاری اسکولوں میں “اسکول ٹیچرز انٹرن” کی بھرتی کی منظوری دے دی گئی۔
کابینہ نے پنجاب پروٹیکشن آف اونرشپ آف اموویبل پراپرٹی آرڈیننس 2025ء اورکابینہ نے چیف منسٹر ہائی ٹیک فارم میکنائزیشن فنانس پروگرام کے تحت سبسڈی پروگرام کی منظوری بھی دے دی۔
کابینہ نے ایئر پنجاب پرائیویٹ لمیٹڈ کمپنی کے قیام ، پرائم منسٹر کیش لیس اسٹرٹیجی کے تحت ریٹیلرز کے لئے کیو آر کوڈ اور لاہور تا راولپنڈی ہائی سپیڈ ریل کے لیے ایم او یو کی منظوری بھی دی۔
عوامی خدمت ، تیز رفتار ترقی اور شفاف گورننس ہی ہمارا اصل ایجنڈا ہے ، مریم نواز
علاوہ ازیں کابینہ نے ملتان، راولپنڈی اور لاہور میں الیکٹرو بس کرایوں میں اضافے کی تجویز مسترد کر دی ،الیکٹرک بس کے لئے مختلف شہروں میں الیکٹر ک ڈپو قائم کرنے کے لئے پنجاب ٹرانسپورٹ کمپنی کو گرانٹس کی فراہمی کی منظوری دی گئی۔
پنجاب کابینہ نے محراب محفوظ روشن پنجاب ، مصر کے ساتھ زرعی اشتراکِ کار کے ایم او یو ،پنجاب سنٹر آف ایکسی لینس انسداد تشدد و انتہا پسندی کے بورڈ آف گورنر کی تشکیل ، ٹریفک جرمانہ اور پوائنٹ سسٹم کی مجوزہ سمری ،نیشنل بینک پارک میں میوزیم اور یادگار تعمیر کرنے کے لیے فنڈز ،لاہور میوزیم کی بحالی، بہتری اور اپ گریڈیشن کے لیے ماسٹر پلان کی منظوری دی۔
پنجاب حکومت کا مارکیٹوں کے طے شدہ اوقات کار پر سختی سے عملدرآمد کرانے کا فیصلہ
گوجرانوالہ میں ماس ٹرانزٹ اتھارٹی کا سنگ بنیاد رکھنے اورگوجرانولہ ماس ٹرانزٹ پراجیکٹ کو سنٹرل ڈویلپمنٹ ورکنگ پارٹی سے استثنیٰ ،ضلعی ہسپتالوں کے لئے قائم کردہ کارڈیک کیتھ لیبز میں متعین انٹر وینشنل کارڈیالوجسٹ، میڈیکل آفیسر، ٹیکنالوجسٹ اور نرسز کی آسامیوں،پنجاب فنانشل ایڈوائزری سروسز (PFAS) کے لیے بھرتیوں پر پابندی میں نرمی اورپنجاب سروس ٹربیونل میں سٹاف کی بھرتی کی منظوری دی گئی۔
اس کے علاوہ پنجاب لینڈ ڈویلپمنٹ کمپنی لمیٹڈ کے سی ای او کی تعیناتی ، پنجاب منرل کمپنی (پرائیویٹ) لمیٹڈ کے چیف ایگزیکٹو آفیسر کی تقرری ،پنجاب سہولت بازار اتھارٹی (PSBA) میں نئی آسامیوں کے لئے بھرتیوں پر پابندی میں نرمی، پنجاب سینٹرل بزنس ڈسٹرکٹ ڈویلپمنٹ اتھارٹی کے نان آفیشل ممبر اور چیئرمین کی نامزدگی کی منظوری بھی دی۔
پنجاب حکومت کا خیبر پختونخوا حکومت کو خط، گندم نقل و حرکت معاملے پر وضاحت
کابینہ نے گرین پاکستان پروگرام کے لئے فنڈز ازسر نو مختص کرنے ، یونیورسٹی آف حافظ آباد کے قیا م اورپنجاب کنزیومر پروٹیکشن ایکٹ کے تحت ڈپٹی کمشنرز سے اے اسی اورڈسٹرکٹ کنزیومر پروٹیکشن کونسل، اسسٹنٹ ڈائریکٹر لیگل کو اختیارات تفویض کرنے کی منظوری دی۔