چیئرمین پیپلز پارٹی بلاول بھٹو زرداری نے کہا ہے کہ وزیراعظم شہباز شریف کی قیادت میں مسلم لیگ ن کا وفد 27 ویں آئینی ترمیم کی منظوری میں حمایت مانگنے کیلئے صدر زرداری اور مجھ سے ملنے آیا تھا۔
ایکس پر اپنے پیغام میں بلاول بھٹو نے کہا کہ مجوزہ 27 ویں آئینی ترمیم میں آئینی عدالت کا قیام، ایگزیکٹو مجسٹریٹس کی بحالی اور ججوں کے تبادلے کا اختیار شامل ہے۔
وزیراعظم شہبازشریف سے بلاول بھٹو کی قیادت میں پیپلزپارٹی وفد کی اہم بیٹھک
اس کے علاوہ مجوزہ ترمیم میں این ایف سی میں صوبائی حصے کے تحفظ کا خاتمہ ، آرٹیکل 243 میں ترمیم کے نکات، تعلیم اور آبادی کی منصوبہ بندی کے اختیارات کی وفاق کو واپسی اور الیکشن کمیشن کی تقرری پر جاری تعطل ختم کرنا شامل ہیں۔
PMLN delegation headed by PM @CMShehbaz called on @AAliZardari & myself. Requested PPPs support in passing 27th amendment. Proposal includes; setting up Constitutional court, executive magistrates, transfer of judges, removal of protection of provincial share in NFC, amending…
— Bilawal Bhutto Zardari (@BBhuttoZardari) November 3, 2025
انہوں نے بتایا کہ صدر آصف علی زرداری کی دوحہ سے واپسی پر پیپلز پارٹی کی سینٹرل ایگزیکٹو کمیٹی کا اجلاس 6 نومبر کو ہو گا جس میں پارٹی پالیسی طے کی جائے گی۔