وزیراعظم شہباز شریف کا ملائیشیا کے وزیراعظم انوار ابراہیم کے دفتر پہنچنے پر پرتپاک استقبال کیا، اس موقع پر دونوں وزرائے اعظم ایک دوسرے سے گلے ملے۔
ملائیشیا کی مسلح افواج کے دستے نے وزیراعظم شہباز شریف کو گارڈ آف آنر پیش کیا، جس کے بعد دونوں ممالک کے قومی ترانے بھی بجائے گئے، بعدازاں وزیراعظم نے ملائیشیا کے وزرا اور دیگر حکام سے مصافحہ بھی کیا۔
دورے کے دوران تجارت، سرمایہ کاری، آئی ٹی، تعلیم، توانائی اور ڈیجیٹل معیشت میں تعاون بڑھانے پر گفتگو ہو گی، دونوں ملکوں کے درمیان وفود کی سطح پر بات چیت ہوگی، مختلف شعبوں میں تعاون کے معاہدوں پر دستخط متوقع ہیں۔
اسرائیل نے فلوٹیلا پر بزدلانہ حملہ کیا ، بربریت فوری بندی ہونی چاہئے ، وزیراعظم شہباز شریف
بعدازاں وزیراعظم کی رہائش آمد کے موقع پر ملائیشیا کے وزیراعظم انور ابراہیم نے شہباز شریف کا گرمجوشی سے استقبال کیا اور خوش آمدید کہا۔
دریں اثنا مشترکہ پریس کانفرنس سے خطاب کرتے ہوئے ملائیشین وزیراعظم انوار ابراہیم نے کہا کہ وزیراعظم شہباز شریف کا خیرمقدم کرتے ہیں، شہباز شریف کا دورہ قریبی دوستی کی عکاسی کرتا ہے۔
ان کا کہنا تھا کہ وزیراعظم شہباز شریف کا دورہ 2024 میں میرے پاکستان کے دورے کا تسلسل ہے،تجار ت سمیت مختلف شعبوں میں تعلقات کو فروغ دے رہے ہیں ،وقت کے ساتھ دونوں ممالک کے تعلقات مستحکم ہوئے۔
مشتاق احمد اسرائیلی حراست میں محفوظ ، تمام پاکستانیوں کی فوری واپسی کیلئے سرگرم ہیں ، دفتر خارجہ
انوار ابراہیم نے کہا کہ خطے میں امن کیلئے پاکستان اور بھارت کے درمیان امن اہم اہے ، دہشتگردی پرقابو پانے کیلئے ہر ممکن تعاون فراہم کریں گے، پاکستان کیساتھ تجارت اور سرمایہ کاری سمیت تعاون کے نئے ممکنہ شعبوں کو تلاش کریں گے۔