وفاقی وزیربرائے منصوبہ بندی احسن اقبال نے کہا ہے کہ سی پیک کا پہلا مرحلہ کامیابی سے مکمل، منصوبے کے ثمرات پورے خطے میں بانٹے جائیں گے،منصوبہ پاک چین کے درمیان دوستی کی علامت ہے۔
وفاقی وزیر احسن اقبال نے کہا کہ سی پیک کے پہلے مرحلے میں 43 منصوبے مکمل کئے گئے، منصوبوں کی مجموعی مالیت 25 ارب امریکی ڈالر ہے، منصوبے سے پاکستان کے قومی گرڈ میں 8 ہزار800 میگاواٹ بجلی شامل کی گئی ہے۔
چینی کی قیمتوں میں اضافے کی خبریں درست نہیں، رانا تنویر
انہوں نے کہا کہ جب ہم نے منصوبے کا آغاز کیا تو ملک میں 18 گھنٹے لوڈ شیڈنگ ہوتی تھی، چین نے پاکستان کیلئےعملی اقدامات سے وہ ممکن کر دکھایا جو کوئی اور نہیں کر سکتا تھا۔
انہوں نے کہا کہ سی پیک کے تحت 800 کلومیٹر موٹرویز اور ہائی ویز بین الاقوامی معیار کے مطابق بنائی گئیں، منصوبے نے تقریباً 2 لاکھ براہِ راست ملازمتیں پیدا کی ہیں۔