کوئٹہ: بلوچستان میں سیکیورٹی فورسز کی 2 مختلف کارروائیوں کے دوران 13 دہشتگرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے کوئٹہ میں فتنہ الخوارج کی موجودگی کی خفیہ اطلاع پر آپریشن کیا۔ آپریشن کے دوران شدید فائرنگ کے تبادلے میں 10 بھارت اسپانسرڈ خوارج ہلاک ہوئے۔
کیچ میں بھی سیکیورٹی فورسز کے آپریشن کے دوران فتنہ الہندوستان کے 3 دہشتگرد مارے گئے۔
دونوں آپریشنز کے دوران مارے جانے والے دہشتگردوں سے اسلحہ، گولہ بارود اور دھماکہ خیز مواد برآمد ہوا۔
یہ بھی پڑھیں: سی ڈی اے کا مختلف اسامیوں کیلئے نئی بھرتیوں کا اعلان
آئی ایس پی آر کے مطابق مارے جانے والے دہشتگرد متعدد دہشتگردانہ کارروائیوں میں ملوث تھے۔ سیکیورٹی فورسز نے بھارتی سرپرستی میں ہونے والی دہشتگردی کے مکمل خاتمے کا عزم کر رکھا ہے۔