اسلام آباد: پاکستان تحریک انصاف (پی ٹی آئی) کے سینئر رہنما رؤف حسن نے سابق وفاقی وزیر فواد چودھری کو بھگوڑا قرار دے دیا۔
پی ٹی آئی کے سینئر رہنما رؤف حسن نے سماجی رابطے کی ویب سائٹ ایکس پر لکھا کہ فواد چودھری کو پارٹی کے ساتھ غداری کی وجہ سے 23 جون 2023 کو نکالا جا چکا ہے۔ اب پارٹی میں خوشامدیوں اور بھگوڑوں کی کوئی جگہ نہیں ہے۔
انہوں نے فواد چودھری کو مخاطب کرتے ہوئے کہا کہ اب تم ایک سیاسی جنازہ بن چکے ہو۔ اور سیاست میں اپنی جگہ بنانے کے لیے بھیک مانگ رہے ہو۔
I am posting this to establish the credentials of @fawadchaudhry: because of your treacherous conduct, you were expelled from the party on June 23, 2023. You’re now a “sayasi janaza” begging for political space. There’s no place for deserters & touts in the party. Adieus! pic.twitter.com/rNI6fgJmuX
— Raoof Hasan (@RaoofHasan) November 4, 2025
رؤف حسن نے کہا کہ ہر در سے دھتکارے جانے کے بعد فواد چودھری نے کسی نہ کسی طرح سیاسی اہمیت حاصل کرنے کی کوشش کی۔ اب ایک بھاگتے ہوئے چوہے کا آخری ٹھکانہ وہی تاریک بل ہے جہاں سے صرف گالی ہی نکلتی ہے۔
انہوں نے کہا کہ یہ کوئی حیرت کی بات نہیں کہ تم وہی کچھ کر رہے ہو جس کی تم سے توقع تھی۔ کیونکہ تمہیں اس کی عادت ہے۔ اپنے اسی بل میں خوش رہو اور اس بدبو میں جیو جو تمہارا مستقل حصہ بن چکی ہے۔
After being shoed away by every prospect that @fawadchaudhry has tried to latch on to for gaining some political relevance, the last resort of a scurrying rat is to plunge into the dark hole inhabiting abuse. So, it does not come as a surprise that, rather than speak logically…
— Raoof Hasan (@RaoofHasan) November 3, 2025
یہ بھی پڑھیں: سندھ ہائیکورٹ میں ای چالان کیخلاف سماعت، جواب طلب
واضح رہے کہ سابق وزیر اطلاعات فواد چودھری نے گزشتہ دنوں شاہ محمود قریشی سمیت پی ٹی آئی کے دیگر ناراض رہنماؤں سے ملاقاتیں کیں۔ اور دعویٰ کیا کہ وہ بانی پی ٹی آئی عمران خان کی رہائی کے لیے کردار ادا کر رہے ہیں۔ انہوں نے پی ٹی آئی کی موجودہ قیادت کو شدید تنقید کا نشانہ بھی بنایا تھا۔