پنجاب کے سیلاب متاثرین انتظامات نہ ہونے کے باعث کھلے آسمان تلے رہنے پر مجبور ہیں، جس سے بچوں اور بڑوں میں جلدی امراض سمیت مختلف بیماریاں پھیلنے لگیں۔
لاہور کے علاقے چوہنگ میں کھلے آسمان تلے مقیم متاثرین کی مشکلات میں اضافہ ہو گیا ہے، جہاں بچوں میں خارش اور دیگر امراض دیکھنے میں آ رہے ہیں۔
بچوں کے لیے دودھ دستیاب نہیں، مائیں بتاتی ہیں کہ وہ خالی فیڈر میں پانی ڈال کر بچوں کو پلا رہی ہیں، جس سے بچوں کو الٹیاں ہو رہی ہیں۔
چوہنگ کے ایک ریلیف کیمپ میں دو ماہ کے شیر خوار کی آنکھوں سے خون نکل رہا ہے، اور خواتین بھی جلدی امراض کا سامنا کر رہی ہیں۔
متاثرہ ماؤں کا کہنا ہے کہ ایسے حالات میں انہیں کچھ سمجھ نہیں آ رہا کہ وہ کیا کریں یا کہاں جائیں، جبکہ حفظانِ صحت کے اصولوں پر توجہ نہ دینے کی وجہ سے ادویات بھی مؤثر ثابت نہیں ہو رہی ہیں۔
ایک متاثرہ خاتون نے بتایا کہ روزگار کے لیے جو ایک رکشہ تھا وہ بھی پانی میں ڈوب کر خراب ہوگيا۔