کیلشیم کی کمی سے متعدد امراض کا سلسلہ شروع ہوجاتا ہے۔ دانتوں کے مسائل، پٹھوں میں درد ناخن کا ٹوٹنا،اور ہڈیوں کے فریکچر کاخطرہ بڑھتا جارہاہے۔
کیلشیم کی کمی دل کی غیر معمولی دھڑکن اعصابی علامات جیسے الجھن اور یادداشت کی کمی کا باعث بھی بن سکتی ہے۔
کیلشیم کا ہڈیوں، دانتوں، پٹھوں اور دل کو صحت مند رکھنے کے علاوہ جسم کو چاق و چوبند رکھنے میں اہم کردارہے۔
اگرہمارے جسم کو ضروری مقدار میں کیلشیم نہیں ملتا تو ہمارا جسم اس کی کمی سے کئی دائمی امراض میں مبتلا ہو سکتا ہے۔
کیلشیم کی کمی خواتین میں بہت زیادہ ہوتی ہے، 30 سال سے زائد عمر کی خواتین کو اس کی کمی کا سامنا رہتا ہے، اگر کوئی بچہ کیلشیم کی کمی کا شکار ہو جائے تو ان کی جسمانی نشونما میں کمی رہ جاتی ہے۔
طبی ماہرین کے مطابق 19 سے 50 سال کی عمر کے افراد کے لیے روزانہ 1 ہزار ملی گرام کیلشیم کی ضرورت ہوتی ہے جبکہ 50 سال سے زائد عمر کے افراد کو یومیہ 12 ہزار ملی گرام کی ضرورت پڑتی ہے۔
لیکن حقیقت یہ ہے کہ انسانی جسم خود بخود کیلشیم نہیں بنا سکتا۔ یہ دودھ، دہی ، انڈوں سے حاصل ہوتا ہے لیکن اگر آپ سبزی خور ہیں یا پھر کسی اور وجہ کے باعث جانوروں سے حاصل کردہ کیلشم لینے سے قاصر ہیں تو پریشان نہ ہوں ۔
چنا
کیلشیم کے علاوہ آپ چنے سے پروٹین، آئرن، فاسفورس بھی حاصل کرسکتے ہیں۔
بھنڈی
بھنڈی میں کیلشیم کے ساتھ ساتھ فائبر، میگنیشم، وٹامن بی6 بھی شامل ہوتا ہے۔
سویا بین
سویا بین کیلشیم حاصل کرنے کا سب سے بہترین ذریعہ اور دودھ کا متبادل ہے۔اس کے علاوہ یہ آئرن اور پروٹین سے بھی بھرپور ہوتا ہے۔
تل
تل کا استعمال ہمارے لیے بہت مفید ہے۔ یہ کیلشیم سے بھرپور ہونے کے ساتھ ساتھ اس میں پروٹین، آئرن، فاسفورس، میگنیشم، زنک بھی شامل ہوتا ہے جو ہمارے جسم کے لیے بہت ضروری ہے۔ اس کے علاوہ ہری سبزیوں، پھلوں اور خشک میوہ جات کا استعمال کریں۔ خشک میوہ جات میں بادام، پسته، انجیر، اخروٹ کھائیں۔ اگر آپ کیلشیم کی کمی کا شکار ہوں گے تو آپ کو وٹامن ڈی کی کمی کا سامنا بھی کرنا پڑسکتا ہے۔