بالی ووڈ کے سینئر فلم ساز اور معروف رائٹر اور سلمان خان کے والد سلیم خان، جنہوں نے شعلے، دیوار اور زنجیر جیسی سپرہٹ فلمیں لکھی ہیں، انہوں نے اپنی ذاتی زندگی کے بارے میں دلچسپ اعتراف کیا کہ اپنی بیوی سلمیٰ خان سے شادی کے راستے میں مذہبی رکاوٹیں حائل رہیں۔
سلیم خان نے اپنے بیٹے ارباز خان کے ٹاک شو میں گفتگو کرتے ہوئے کہا کہ سلمیٰ خان سے تعلق خفیہ طور پر شروع ہوا تھا، مگر جلد ہی فیصلہ کیا کہ اس رشتے کو خاندان کے سامنے لاو گا۔
شادی کی تمنا نہیں لیکن باپ بننا چاہتا ہوں، سلمان خان
انہوں کہا کہ سلمیٰ خان کا اصل نام سوشیلا تھا، سلمیٰ کے اہلِ خانہ سے پہلی ملاقات کے دوران سخت دباؤ میں تھا، مجھے ایسا لگا جیسے پورے مہاراشٹر کے لوگ ایک ساتھ جمع ہو گئے ہوں، سب مجھے دیکھنے آئے تھے جیسے میں کوئی نیا جانور ہوں۔
سلیم خان نے بتایا کہ سلمیٰ کے والد نے ان کے مذہب پر اعتراض اٹھایا اور کہا کہ ہم نے تحقیق کی ہے، آپ تعلیم یافتہ ہیں اور اچھے خاندان سے تعلق رکھتے ہیں، مگر مذہب ہمارے لیے مسئلہ ہے، جس پر میں نے جواب دیا کہ میرے اور سلمیٰ کے درمیان ہزار مسائل ہو سکتے ہیں، مگر مذہب کبھی مسئلہ نہیں ہوگا۔
انہوں نے کہا کہ سلمیٰ کی دادی، جنہیں آجی کہا جاتا تھا، ان کی سب سے بڑی حامی تھیں، وہ کہا کرتی تھیں، میرا شنکر کب آئے گا؟
جسٹن بیبر کی ایکس گرل فرینڈ سلینا گومز نے شادی کرلی
واضح رہے کہ سلمان خان کے والد سلیم اور والدہ سلمٰی کی شادی 1964 میں ہوئی اور سوشیلا نے اپنا نام تبدیل کر کے سلمیٰ خان رکھ لیا، ان کے چار بچے ہوئے سلمان، ارباز، سہیل اور علویرا۔
بعد ازاں 1981 میں سلیم خان نے اداکارہ ہیلن سے دوسری شادی کی، تاہم آج بھی یہ پورا خاندان ممبئی میں ایک ساتھ رہتا ہے اور اپنی خاندانی اقدار کی مضبوطی کے باعث پہچانا جاتا ہے۔