اداکاری سے اب مجھے محبت ہوگئی ہے، مشال خان

معروف اداکارہ مشال خان نے اتفاق سے اداکاری میں آنے سے لے کر محبت تک کی روداد سنا دی۔

ایک انٹرویو کے دوران مشال نے انکشاف کیا کہ میرے خاندان کے زیادہ ترافراد بیرونِ ملک مقیم ہیں اورمیں خود بھی اعلی تعلیم کے لیے بیرون ملک جا چکی ہوں، تاہم میرا دل پاکستان میں ہی لگا رہا۔

کامیابی کیلئے شہرت یا دولت ہی نہیں سنجیدگی بھی ضروری، لائبہ خان

انہوں نے کہا کہ یہی میرا گھر ہے اورانسان اپنے گھر میں ہی سب سے زیادہ سکون محسوس کرتا ہے، میں کئی رکاوٹیں آئیں، نئے تجربے کیے، لیکن ہربارخود کو سنبھالا اورمزید مضبوط بن کر ابھری۔

اداکاری میں آنے سے متعلق مشال نے دلچسپ انکشاف کرتے ہوئے کہا کہ یہ سب کچھ محض ایک اتفاق تھا، ایک دن آڈیشن کیلئے کال موصول ہوئی اوراگلے لمحے مقبول ڈرامہ سنو چندا کا حصہ بن چکی تھی۔

انہوں نے کہا کہ اس وقت یہ ایک تجربہ تھا، مگررفتہ رفتہ مجھے اداکاری سے محبت ہو گئی، میرااب تک کا سب سے پسندیدہ کردار ڈرامہ پاگل خانہ میں نبھایا گیا کردار ہے، جو دل کے سب سے قریب ہے۔