معروف بھارتی کامیڈین کپل شرما کے کینیڈا میں واقع کیپس کیفے(kaps cafe) پر ایک بار پھر فائرنگ کا واقعہ پیش آیا ہے۔
میڈیا رپورٹس کے مطابق کیفے کی عمارت پر جمعرات کو ایک بار پھر فائرنگ کی گئی۔ واقعہ کی ویڈیو بھی منظرِ عام پر آگئی ہے۔
Once again incident of Firing Happened at KAP’S CAFE. This is the third time firing took place at the Kapil Sharma cafe in Canada. pic.twitter.com/KoOYYBFNof
— Akashdeep Thind (@thind_akashdeep) October 16, 2025
ویڈیو میں دیکھا جا سکتا ہے کہ گاڑی میں بیٹھے حملہ آور نے کیفے پر متعدد گولیاں برسائیں جس کی وجہ سے عمارت کی کھڑکیاں ٹوٹ گئیں۔ خوش قسمتی سے کوئی زخمی نہیں ہوا۔
بھارتی میڈیا کے مطابق اس فائرنگ واقعے کی ذمہ داری مبینہ طور پر گینگسٹر لارنس بشنوی کے گروپ سے وابستہ کولویر سدھو اور گولڈی ڈھِیلون نے سوشل میڈیا پر قبول کی ہے۔
کن 2 شرائط پر اداکاری کی اجازت ملی؟ عجب گل نے اہم انکشاف کردیا
حملہ آوروں کی وائرل ایک مبینہ پوسٹ میں کہا گیا ہے کہ’’ ہمارا عام عوام سے کوئی جھگڑا نہیں۔ جو لوگ ہمیں دھوکہ دیتے ہیں اُنہیں خبردار کیا جا رہا ہے اور جو بالی ووڈ شخصیات ہمارے مذہب کے خلاف بولتی ہیں، اُنہیں بھی تیار رہنا چاہیے کیونکہ گولیاں کہیں سے بھی آ سکتی ہیں۔‘‘
مقامی پولیس نے واقعے کی تحقیقات شروع کر دی ہیں،یاد رہے 4 ماہ کے اندر تیسری بار کیفے پر فائرنگ ہوئی ہے۔