نئی دہلی: بھارتی معروف کامیڈین و اداکار کپل شرما نے اپنے کچھ دنوں میں 11 کلو سے زائد وزن کم کر لیا۔
بھارتی میڈیا کے مطابق معروف کامیڈین و اداکار کپل شرما نے حالیہ دنوں میں اپنی حیران کن جسمانی تبدیلی سے سب کو چونکا دیا۔ رپورٹس کے مطابق کپل شرما نے نمایاں طور پر وزن کم کرلیا ہے جس کے بعد ان کا نیا روپ مداحوں کی توجہ کا مرکز بن گیا ہے۔
سوشل میڈیا پر کپل شرما کی ممبئی ائیرپورٹ پر بنائی گئی ویڈیو تیزی سے وائرل ہونے لگی۔ جس میں وہ ہلکی ٹی شرٹ میں دکھائی دے رہے ہیں۔ ویڈیو دیکھ کر مداحوں کی بڑی تعداد حیران رہ گئی۔
کچھ صارفین نے کپل شرما کی صحت پر تشویش کا اظہار کرتے ہوئے کہا کہ وہ پہلے کی نسبت کافی دبلا نظر آ رہے ہیں۔ ایک صارف نے لکھا کہ “کیا طبیعت ٹھیک نہیں کپل کی؟” جب کہ ایک اور نے کہا: “ٹینشن میں وزن کم ہوگیا ؟”
رپورٹس کے مطابق کپل شرما نے اکشے کمار کی فٹنس سے متاثر ہو کر فروری سے جم جانا شروع کیا۔ وہ روزانہ صبح سویرے اٹھ کر سخت ٹریننگ کرتے ہیں، جس میں دو گھنٹے کی جم ایکسرسائز کے ساتھ ساتھ کک باکسنگ کی تربیت بھی شامل ہے۔
یہ بھی پڑھیں: کنگنا رناوت نے مداح کے تحفےکو فضول ٹرافیز سے بہتر قرار دیدیا
اگرچہ ابھی تک یہ واضح نہیں ہو سکا کہ کپل شرما نے کُل کتنے کلو وزن کم کیا ہے۔ تاہم پچھلے دنوں کی رپورٹس کے مطابق انہوں نے 11 کلو وزن کم کیا تھا۔