امریکہ کی معروف سوشل میڈیا اسٹار اور ماڈل کم کارڈیشیئن (Kim Kardashian
) نے انکشاف کیا ہے کہ انہیں ذہنی دباؤ سے متعلق بیماری دماغی اینیورزم (Brain Aneurysm) کی تشخیص ہوئی ہے۔
کم کارڈیشیئن نے یہ انکشاف اپنی ریئلٹی سیریز ’’دی کارڈیشیئنز‘‘ کے نئے سیزن کے ٹیزر میں کیا ہے۔ویڈیو کلپ میں کم کارڈیشیئن کو ایم آر آئی اسکین کے دوران دکھایا گیا، جس کے بعد انہوں نے اپنے اہلخانہ کو بتایا،ڈاکٹرز نے کہا کہ ایک چھوٹا سا اینیورزم ہے۔
امریکی اداکارہ کم کارڈیشیئن کے ہاں چوتھے بچے کی پیدائش
ان کی بہن کورٹنی کارڈیشیئن نے حیرت کا اظہار کرتے ہوئے کہا، ’’اوہ‘‘ کم کے مطابق، ڈاکٹرز نے اس کیفیت کو’ ’صرف ذہنی دباؤ‘‘ کا نتیجہ قرار دیا ہے۔
میڈیا رپورٹس کے مطابق کم اس وقت اپنی مصروف زندگی، قانون کی تعلیم اور ذاتی زندگی کے دباؤ کے باعث ذہنی تناؤ کا سامنا کر رہی ہیں۔
انہوں نے بتایا کہ طلاق کے بعد انہیں دوبارہ ’’سورائیسس‘ ‘کی بیماری نے بھی متاثر کیا، جو ان کے مطابق ذہنی دباؤ سے جڑی ہے۔
کم کارڈیشیئن نے کہا کہ ان کی اولین ترجیح اپنے چار بچوں کو اس بیماری کی وجہ سے پڑنے والے منفی اثرات سے محفوظ رکھنا ہے۔ انہوں نے مزید کہا کہ سابق شوہر کانیے ویسٹ سے علیحدگی پر بےحد افسوس ہے۔
کم کارڈیشین ویسٹ بھی ارب پتی افراد کی فہرست میں شامل
دوسری جانب سائبر سکیورٹی فرم کے مطابق کم کارڈیشیئن کا نام آن لائن سرچ کیا جائے تو یہ کئی وائرس زدہ سافٹ ویئر تک لے جاتا ہے۔
سنہ 2018 میں یہ سب سے زیادہ خطرناک سرچ کیا جانے والا نام ثابت ہوا تھا۔