پاکستان کے معروف اداکار اور ٹی وی میزبان فہد مصطفیٰ ایک مرتبہ پھر سوشل میڈیا پر خبروں کی زینت بن گئے ہیں،اس باران کے پروگرام یا فلم کی وجہ سے نہیں بلکہ ان کی ذاتی زندگی سے جڑی ایک افواہ موضوعِ بحث بنی ہوئی ہے۔
مختلف سوشل میڈیا پلیٹ فارمزپریہ دعویٰ کیا جا رہا ہے کہ فہد مصطفیٰ نے دوسری شادی کر لی ہے، فہد اور ان کی اہلیہ ثنا فہد کے بارے میں کہا جاتا ہے کہ دونوں کی دوستی اور محبت کالج کے زمانے سے ہے اور یہی رشتہ بعد میں ازدواجی زندگی میں ڈھلا۔
اس جوڑے کے دو بچے بھی ہیں جن میں بیٹی فاطمہ اور بیٹا موسیٰ شامل ہیں، مداح اکثراس فیملی کو ایک خوشحال اور مثالی خاندان کے طورپردیکھتے ہیں۔
تاہم حالیہ دنوں یہ قیاس آرائیاں سامنے آئی ہیں کہ فہد اورثنا کے درمیان تعلقات میں کشیدگی پیدا ہو گئی ہے اوراسی پس منظرمیں فہد نے مبینہ طور پردوسری شادی کرلی ہے۔
اگرچہ یہ خبرتیزی سے وائرل ہو رہی ہے لیکن اداکار نے اب تک اس حوالے سے کسی قسم کی تردید یا تصدیق نہیں کی۔
یہ بات قابلِ ذکر ہے کہ اس سے قبل بھی ان کے حوالے سے دوسری شادی کی خبریں منظرِ عام پر آ چکی ہیں لیکن بعد میں خاموشی کے ساتھ یہ افواہیں دم توڑتی رہی ہیں۔
چاہت فتح علی خان پر انڈوں سے حملہ
شوبز مبصرین کا کہنا ہے کہ جب تک فہد خود اس معاملے پر وضاحت نہیں دیتے، تب تک ایسی افواہوں کو محض سوشل میڈیا گپ شپ ہی سمجھا جانا چاہیے۔