معروف اداکارہ وماڈل علیزے شاہ نے ماضی کی اداکارہ زرنش خان کو معاف کرنے سے انکار کر دیا، جس کے بعد سوشل میڈیا پرنئی بحث چھڑ گئی۔
حال ہی میں دین کی خاطراسکرین سے دوری اختیار کرنے والی سابقہ اداکارہ زرنش خان نے علیزے شاہ سے سوشل میڈیا کے ذریعہ رابطہ کیا۔
شوہر کے سامنے میرا دماغ کام کرنا چھوڑ دیتا ہے، عائزہ خان
انہیں پیغام بھیج کر اپنے ماضی کے تبصرے پر شرمندگی کا اظہار کرتے ہوئے معافی مانگی، تاہم علیزے شاہ نے انہیں معاف کرنے انکار کر دیا۔
صرف یہی نہیں علیزے شاہ نے زرنش خان کا معافی نامہ فوٹو اینڈ ویڈیو شیئرنگ پلیٹ فارم انسٹاگرام پر اسٹوری میں بھی شیئر کیا اور ساتھ انہیں کھری کھری بھی سنا دی۔
انہوں نے زرنش خان کو آڑے ہاتھوں لیتے ہوئے پہلے ان کے پیغام کے جواب میں اور پھر مختلف انسٹا اسٹوریز شیئر کیں اور لکھا کہ معافی سے اس نقصان کا ازالہ نہیں ہو گا،جو آپ نے پہنچایا، میں آپ کو معاف نہیں کروں گی۔