اداکارہ اور پروڈیوسرعائشہ عمر(Ayesha Omar) نے ایک شو میں گفتگو کے دوران انکشاف کیا کہ شوبز میں کم عمری میں قدم رکھنے کے بعد انہیں کئی مشکلات اور نامناسب رویوں کا سامنا کرنا پڑا۔
ایک انٹرویو میں ان کا کہنا تھا کہ شروعاتی دنوں میں لوگ انہیں سنجیدگی سے نہیں لیتے تھے، جس کی بڑی وجہ ان کی کم عمر اور کھلنڈرا مزاج تھا۔
انہوں نے کہا کہ اکثر مردشوبز انڈسٹری میں کئی مرد حدیں کراس کرنے کی کوشش کرتے تھے، مجھے خود کو مضبوط ظاہر کرنا پڑتا تھا تاکہ کوئی مجھے کمزور نہ سمجھے۔
اداکارہ نے مزید بتایا کہ انہوں نے لوگوں کا رویہ بدلنے کے لیے ایک ’نان سینس‘ انداز اختیار کیا تاکہ انہیں سنجیدگی سے لیا جائے۔ جب وہ لاہور سے کراچی شفٹ ہوئیں اور اکیلی رہنے لگیں تو یہ رویہ ان کے لیے اور بھی ضروری ہو گیا، کیونکہ معاشرے میں اکیلی لڑکی کو اکثر کمزور سمجھا جاتا ہے۔
انٹرویو کے دوران عائشہ عمر نے اپنے کیریئر کی چند غلطیوں کا بھی اعتراف کیا۔
اداکارہ عائشہ عمر کے شو لازوال عشق پر عوامی اعتراضات، پیمرا کا ردعمل
انہوں نے کہا کہ ماضی میں کچھ ایوارڈ شوز میں حصہ لیا لیکن آج تک ان کی مکمل ادائیگی نہیں کی گئی۔ یہ تجربات انہوں نے اس وقت شیئر کیے جب وہ اپنے ابتدائی دنوں کے چیلنجز پر بات کر رہی تھیں۔