بھارتی ڈانسر دھناشری ورما نے سابق شوہر اور کرکٹر یوزویندر چہل کے بارے میں حیران کن انکشاف کر دیا۔
ٹیلی وژن شو کے دوران گفتگو کرتے ہوئے دھناشری نے کہا کہ پہلے سال میں ہی مجھے اس بات کا اندازہ ہو گیا تھا کہ ہماری شادی نہیں چل سکتی۔ دراصل شادی کے صرف دوسرے مہینے میں ہی میں نے انہیں دھوکا دیتے ہوئے پکڑ لیا تھا۔
دھناشری ورما نے کہا کہ جھوٹی باتوں پر کسی کو صفائی نہیں دوں گی ، الزامات نے مجھے بہت تکلیف پہنچائی ہے لیکن اس کے باوجود سابق شوہر کی عزت برقرار رکھوں گی۔
سلمان خان کے والد کا اعتراف، شادی میں سب سے بڑی رکاوٹ مذہب تھا
طلاق کے بعد رقم کے مطالبے کے حوالے سے انہوں نے واضح کیا کہ ان کی علیحدگی باہمی رضامندی سے ہوئی تھی، جو لوگ اس قسم کی باتیں کرتے ہیں وہ سراسر غلط ہیں۔
یاد رہے کہ یہ دونوں 2020 میں شادی کے بندھن میں بندھے تھے اور ان کا رشتہ 2025 میں طلاق پر ختم ہوا۔